擊退眼疲勞

最近大家都齊心抗疫，Stay Home Save Lives！宅在家中有咩做？不外乎無間斷煲劇同打機囉，都幾傷眼架！中醫同事送我簡單一招: 食杞子！其實杞子正名係枸杞子，主要產地為寧夏，李時珍嘅《本草綱目》亦將杞子列為上品。

《黃帝內經》記載，肝「開竅於目」。杞子味甘性平，歸肝腎經，有補肝明目之效。

點買？

脹卜卜又鮮色梗係靚啦，不過都要睇下啲色係咪後期加工染上去。杞子其中一邊嘅尖端會有一點白，果點白色其實係枸杞結果時留低嘅花萼，如果係經人工染色好多時都會染埋呢個位。另外，焗水飲嘅時候睇下啲水有冇變偏紅亦得！