【聖誕節系列】溫中暖胃的聖誕香料酒 Mulled Wine
進入十二月，溫度驟然急降。大家是否已經在飲薑茶取暖呢？
在外國的傳統中，也有一種跟我們在冬天時飲薑茶暖身近似的習慣，但喝的是暖香料酒(英：mulled wine 德：Glühwein 法：vin chaud)，通常在聖誕節時準備。香料酒的做法是把部份酒 (多數是紅酒) 煮熱，加入糖和香料 (橙皮、丁香、八角、豆蔻、檸檬乾及薑乾等) 煮熱及浸出香味，再混和紅酒趁暖飲用。
香料酒中的不少材料在中藥內也有使用。在中醫理論內，肉桂、八角、豆蔻與丁香均為性味辛溫，入脾胃經之藥物，平素用於中焦脾胃因虛寒或寒凝引起之胃痛、腹痛或經痛等，甘熱助陽以補虛，辛熱散寒以止痛。所以香料酒溫通能力係堅強勁，唔係齋煲熱佢咁簡單！
香料酒倒出來先有陣陣橙皮香味，芳香解鬱，味道香甜而溫暖，溫中的藥物加上酒精刺激，不消一會就全身滾熱，啱晒平時又怕凍又手腳冰冷的朋友。不過小心唔覺意飲多左，又熱又醉，出事架嘛！
但留意返，脾胃濕熱，陰虛火旺或心火旺盛，即係已經爆緊瘡、生晒痱滋、熱象明顯的朋友就唔好飲啦~ 唔係熱上加熱，眼火爆加發惡夢架~